Gizartea -
Labankadaz
17 urteko adingabe bat atxilotu dute, gazte bati eraso egiteagatik
Arma zuriz egindako erasoa egitea leporatu dio ustezko erasotzaileari. Ustez, gertakizunak igandean izan ziren, 10:00etan, Zabalburuko Dorren inguruan.
Erredakzioa
17 urteko adingabe bat atxilotu dute asteazken honetan, Bilbon, beste gazte bati labankadaz eraso egitea leporatuta, Bilboko "pub" batetik irtetean, Ertzaintzako bozeramaile batek jakitera eman duenez.
Arratsaldeko lehen orduan atxilotu dute adingabea, Ertzaintzak arma zuriz egindako erasoa egitea leporatu dio. Ustez, gertakizunak igandean izan ziren, 10:00etan, Nicolas Alcorta kalean, Zabalburuko Dorren inguruan.
Dirudienez, eztabaida batean izan zen sastada, eta ustezko erasotzaileak lekutik ihes egin zuen. Zauritutako gaztea Basurtoko Ospitalera eraman zuten.
Ertzaintzak egindako ikerketei esker, ustezko erasotzailea atxilotu ahal izan dute, arma zuriz egindako delitua egitea leporatuta.
Eginbide polizialen ostean, usteko erasotzailea aske utzi dute, gurasoen zaintzapean, eta datozen orduetan Adingabeen Fiskaltzaren aurrean agertu beharko du.