Amildegi fiskala saihesteko akordioaren gakoak

AEBetako Kongresuak amildegi fiskalaren ondorioak galarazteko onartutako planaren gakoak:

- Eutsi egin diete sendien % 98k eta negozio txikien % 97k egun duten zerga tasei.

- Langileei ezarritako hainbat zerga kenkari, unibertsitate ikasketekin lotutakoak, kasu, bost urtez luzatu dituzte.

- Urtean 450.000 dolar baino gehiago irabazten duten sendien zergak % 35etik % 39,6ra igo dituzte. Lehen aldia da 20 urtean errepublikanoek eta demokratek zergak igotzea adostu dutena.

- Aberatsenei ezarritako kapital errendimenduak % 20ra itzuli dira, egungo % 15etik. Horri osasun erreforma finantzatzeko ezarritako % 3,8ko errekargua gaineratu behar zaio.

- Bost milioi eurotik gorako higiezinen herentzia zerga igo egin dute, % 35etik % 40ra.

- Ez dute luzatu ekonomia sustatzeko helburuz Barack Obama presidenteak onartutako atxikipen-fiskal murrizketak.

- Neurri hauekin, Gobernuak 620.000 milioi dolar bilduko ei ditu hurrengo 10 urteetan.

- Langabeentzako premiazko diru-laguntzak (2 milioi pertsonak jasotzen dute) urtebete luzatu dituzte.

- Energia berriztagarrietan, ikerketan eta garapenean inbertsioak egiten dituzten enpresentzako pizgarriak urte bukaera arte luzatu dituzte.

- Defentsan eta beste hainbat arlotan aurrez ikusita zeuden murrizketa automatikoak bi hilabete atzeratu dituzte.

- Nekazaritza legea urte amaiera arte luzatu dute. Horren ondorioz, besteak beste, esnearen prezioa bikoiztea galarazi dute.