Preso-esparruak aurkitu dituzte Ipar Korean, Google Earth erabiliz

Aktibista talde batek Google Earth baliatu du Ipar Korean legez kanpoko preso-esparruak aurkitzeko. Googlek berak erabiltzen duen programa hartu eta bertako mapa batekin alderatuta, dozenaka preso-esparru aurkitu dituzte herrialde osoan.

Giza eskubideen aldeko talde batzuen arabera, 250.000 preso politiko eta horien senideak lanean dituzte bertan, janariaren truke.

Irudietan, zaintzako dorreak, ikatz-meatzeak eta lurperatzeko guneak ikusi dituzte. Aktibisten lana adituek berretsi eta herrialde horretako iheslariek egiaztatu dute.

Aktibista horietako batzuen esanetan, “preso-esparrurik handiena herri bat dirudi. Dirudienez, itxura hori eman nahi izan diote”.

Giza eskubideen aldeko taldeen arabera, “nahiz eta Ipar Koreako erregimenak ukatu, irudiek errealitatea islatu dute”.