Mundua -
Gertaera
Gutxienez 3 lagun hil dituzte, tiroketa batean, Suitzan
Hildakoen artean ustezko erasotzailea egon daiteke. Suitzako agintariek zazpi lagun zauritu dituela baieztatu dute, eta ospitalera eraman dituzte.
Erredakzioa
Gutxienez hiru lagun hil dira eta beste zazpi zauritu Suitzako zerrategi batean izandako tiroketa batean. Ustezko erasotzailea zerrategiko langilea da, eta hil egin dela diote zenbait iturrik, baina Suitzako agintariek ez dute baieztatu. Agintariek zazpi lagun zauritu direla baieztatu dute, zenbait larri, eta ospitalera eraman dituztela.
Antza denez, gertaera Menznau herriko Kronospan lantegian gertatu da, 08:00ak inguruan.
Kronospan empresak egurrezko konglomeratuak egiten ditu eta 400 langile ditu. Enpresako zuzendaritzak ekoizpena murriztuko zuela iragarri zuen duela gutxi, ATS Suitzako agentziaren arabera.
Adrian Duss Menznauko alkatea atsekabetuta agertu da: "Gertatu dena izugarria eta ulertezina da, hitzik gabe utzi nau".