Mundua -
15 eguneko misioa
Tripulazioa duen bosgarren misio txinatarra espazioan dago jada
Espazio-ontzian Txinako hiru astronauta joan dira eta 15 egunez egongo dira.
Erredakzioa
Wang Yaping, Zhang Xiaoguang eta Nie Haisheng astronautak espazioan daude jada Shenzhou X espazio-ontzia Jiuquango (Txinako ipar-mendebaldea) basetik atera ostean.
Hemen 09.38ak zirenean atera da espazio-ontzia Jiuquan basetik, Xi Jinping Txinako presidentearen begiradapean.
Wang Yaping espaziora doan Txinako bigarren emakumea da. Nie abentura errepikatzen duen herrialdeko bigarren pilotua; 2005an Shenzhou VI espazio-ontzian joan baitzen.
Jaurtiketatik bost minutura propultsatzaile motoreak bota ditu ontziak, eta jarraian orbitan sartu da, 15 egunez energia emango dioten eguzki-panelak zabalduz.
Bidaia honekin 2020an nazioarteko espazio-estazio bat eraikitzeko helburuan urrats bat gehiago emango du Txinak.