Mundua -
Gertaera
Zortzi hildako Poliziaren helikoptero bat Glasgowko pub batean erorita
Horietako hiru helikopteroan zihoaen, eta beste bostak hondakinen artean topatu dituzte. 14 pertsona oso larri daude ospitalean.
Erredakzioa
Poliziaren helikoptero bat Glasgow Eskoziako hiriko pub baten eraikin baten gainean erori da bart; eta informazio iturri ofizialek zortzi hildako izan direla baieztatu dute.
Alex Salmond Eskoziako lehen ministroak berak baieztatu du albistea, eta dozenaka zauritu ospitaleetara eraman dituztela esan du. Lehen ministroaren esanetan "Eskoziarentzat egun beltza" da.
Helikopteroan bi agente eta pilotu bat zihoazen; zortzi hildakoen artean daude. Istripua gertatu denean 120 pertsona inguru zegoen pubaren barruan, eta gutxi batzuk bakarrik lortu dute handik ateratzea.
Suhiltzaileak lanean ari dira solairu bakarra duen eraikin hori babesteko, BBC telebista kate publikoak informatu duenez.
BBCren arabera, 125 suhiltzaile ari dira berton lanean, eta batzuek pub horren barruan dauden pertsonekin hitz egiteko aukera izan dute.
Eskoziako Poliziak baieztatu egin zuen helikoptero batek Stockwell kaleko The Clutha pubaren kontra talka egin zuela 23:25ak aldera.