Mundua -
Bronx
Istripua izan da New Yorkeko metroan eta lau lagun hil dira
Gaur goizean izan da ezbeharra. Metroa bidetik irten da eta lau hildako eta 67 zauritu daude, horietako 11 oso larri.
Erredakzioa
Bidaiari tren bat bidetik irten da Bronxen (New York) eta gutxienez lau pertsona hil eta 67 zauritu dira, horietako 11 oso larri, New Yorkeko Poliziak jakitera eman duenez.
07:20an izan da ezbeharra, eta bertako hedabideek zabaldu dituzten irudietan, trena bidetik irtenda ikusten da, Hudson ibaiaren ondoan.
Trena Poughkeepsietik Grand Central Stationera bidean zihoan bidetik irten denean, Poliziak azaldu duenez.
Polizia eta suhiltzaileak ezbeharra gertatu den lekuan daude, eta oraindik bidaiari batzuk hondakinen artean harrapatuta daudela uste dute.