Mundua -
Mumbai
18 lagun hil dira Indian, hileta batean izandako jende oldean
Syedna Mohamed Burhanuddin buruzagi espiritualaren hiletan izan da ezbeharra, milaka fededun bertaratu baitira.
Erredakzioa
Gutxienez 18 lagun hil dira buruzagi espiritual ezagun baten hiletan izan den jende oldean, Mumbain, iturri ofizialek jakitera eman dutenez.
Milaka lagun joan dira Syedna Mohamed Burhanuddinen hiletara, eta eraikinaren aurrean izan da jende oldea. Gehienak itota hil dira, hiletan bertaratu diren beste fededunek bultzatuta eta zapalduta.
Mumbaiko komunitate islamiar bateko buruzagi espiritual ezaguna zen Syedna Mohammed Burhanuddin, eta ostiralean hil zen 102 urte zituela.