Mundua -
India
Indiako emakume batek aita hil du, sexu-abusuak egiten zizkiolako
Duela hiru urtetik, ama hil zitzaionetik, jasaten zituen abusuak 23 urteko emakumeak.
Erredakzioa
Emakume gazte batek eta horren bi lagunek emakumearen aita hil dute New Delhin, Indian, gizonezkoak alabari sexu-abusuak egiten zizkiolako, bertako hedabideek jakitera eman dutenez.
Aurreko astean hil zuen, baina atzo arte ez dute horren berri eman, azken atxiloketa egiteke zegoelako, Hindustan Times egunkariak zabaldutakoaren arabera.
Kulvinder Kaur 23 urteko emakumeari eta horren bi laguni lehenengoaren aita kriketeko makila batez kolpatuta hiltzea leporatzen diete.
Dirudienez, duela hiru urte emakumearen ama hil zenetik egiten zizkion aitak alabari sexu-abusuak.
Hau zure interesekoa bada, baliteke beste gai hauek ere izatea