Mundua -
Estatu Batuak
Ikasle batek zazpi lagun hil ditu tiroz Kalifornian
Isla Vista unibertsitate-hirian tiroketa bat hasi zuen gazte batek, eta sei lagun hil zituen.Tirogilea bera ere hilik topatu zuten.
Erredakzioa
Zazpi lagun hil dira Kalifornian (Estatu Batuetan), ostiral gauean, unibertsitario batek egindako tiroketa batean, Isla Vista unibertsitate-hirian. Tiroen ondorioz, sei lagun hil ziren. Eta tirogilea bera ere hilda topatu zuten bere ibilgailuan, Poliziarekin tiroka ibili eta gero.
Poliziaren esanetan, tiroen egilea Elliot Rodger da, Peter Rodger zinemagilearen semea. Gaztearen aitak "Game of Thrones" telesailean egin du lan. Elliot Rodgerrek, aurreko egunean, bideo bat jarri zuen sarean, esateko “gizateriaren aurkako bere mendekua” egingo zuela.
Auto baten barruan grabatutako bideoan, gazteak esan zuen azken zortzi urteetan "bakardadean, bazterketan eta ase gabeko desioetako munduan" bizi izan dela, emakumeek inoiz ez dutelako beraganako erakarpenik sentitu: "Emakumeek beste gizonei ematen diete euren maitasuna, euren sexua, baina inoiz ez niri. 22 urte ditut, eta birjina naiz. Inoiz ez dut neska bat musukatu ere egin. Unibertsitatera joan naiz bi urte eta erdiz, eta oraindik birjina naiz", esaten du grabazioan.