Mundua -
Gertakaria
Bi pertsona hil dira AEBetako institutu batean izandako tiroketan
Tiroketa Portlandeko institutu batean gertatu da, Troutdale herrian, AEBen mendebaldeko kostaldean. Ustezko erasotzailea eta ikasle bat hil dira.
Erredakzioa
Portland hiritik gertu dagoen institutu bati eraso egin dio pertsona batek goizean. Gutxienez bi pertsona hil dira, ikasle bat eta ustezko erasotzailea, Poliziak jakitera eman duenez.
Erasoaren ondorioz, Todd Rispler zentroko irakaslea erasotzailea zauritu egin da, baina ez dago larri. Multnomah konderriko sheriffaren bulegoak ziurtatu duenez, egoera "kontrolpean" dute dagoeneko.
Gertakariak goizeko lehen orduan jaso dira Troutdale herriko Reynolds institutuan, Portlandetik 20 bat kilometrora, AEBen mendebaldeko kostaldean.
Greg Hastings Poliziako bozeramaileak azaldu duenez, behin abisua jasota 100 bat polizia bertaratu dira, eta ikasleak ebakuatzeari ekin diote.
Ikastetxeak ia 2.800 ikasle ditu eta tiroketa gertatu denean eskolak hasita zeuden.