Belgikako errege-familiaren datuak zituen ordenagailu bat lapurtu dute

Elio Di Rupo Belgikako lehen ministroari ordenagailu eramangarria lapurtu diote, barruan errege-familiaren eta barne politikaren inguruko datu "garrantzitsuak" zituela, SudPresse taldeko egunkariek jakitera eman dutenez.

Lehen ministroa gimnasioan eta txoferra liburu-denda batean zeudela egin zuten lapurreta.

Lapurrek ibilgailuko atea eta leihoak apurtu zituzten, eta maletategitik hartu zuten ordenagailua.

Lapurretaren berri izan ondoren, lehen ministroa eta haren txoferra polizia-etxera joan ziren, salaketa jartzera.