Itxi

2014/08/28

11:53

Mundua

Estatu Islamiarra

'Estatu Islamiarraren aurka armak ematea baino urrunago joan behar da'

Erredakzioa

Francois Hollanderen ustez, urrunago joan beharra dago, eta, horregatik, Parisen antolatu nahi duen konferentziaren alde egin du nazioarteko lankidetza militar baten alde.

  • François Hollande

    François Hollande Frantziako presidentea. Artxiboko irudia. EFE

  • Whatsapp
  • Whatsapp
  • Telegram
  • Bidali

François Hollande Frantziako presidenteak ostegun honetan esan duenez, Iraken Estatu Islamiarreko taldeen aurka egiten duten taldeei armak eman dizkie, baina hori baino urrunago joan behar dela uste du, eta, horregatik, Parisen antolatu nahi duen nazioarteko konferentziaren alde egin du, nazioarteko lankidetza militar baten alde.

Konferentzia hori “Irakeko Gobernua osatzen denetik” egitea nahi du, eta horren betebeharra “Estatu Islamiarraren kontra nazioarteko jarduera koordinatzea izango litzake eremu humanitarioan eta segurtasunekoan, baina baita militarrean ere”, nabarmendu du.

Estatu Islamiarraren aurka egiteko “aliantza zabala behar da”, azpimarratu du. Halere, Siriako presidenteari betoa jarri dio, honako hau esanda: “gauzak argi gera daitezela, Bachar el Asadek ezin du terrorismoaren aurkako borrokan aliatua izan”.

Halaber, talde terrorista horrek aurrera egin duela uste du, Estatu Batuek eta Erresuma Batuak ez ziotelako 2013an Frantziari jarraitu nahi izan. Frantziak urte hartan Bachar el Asaden erregimenaren aurkako eraso militarra prestatu zuen.

“Duela urtebete Sirian nazioarteko esku-hartze bat falta zela esan nuen, eta gelditasunak erradikalen jokoa egiten zuela. Orain horren froga dugu, eta gogorra da”, adierazi du.

  • Bisitatuena

      Kargatzen ikusiena
      Kargatzen ikusiena
    ;