Mundua -
Cleveland
Bi agentek gezurrezko pistola bat zeraman 12 urteko mutikoa hil dute
Mutikoak besoak altxatu ez eta gerrian zeraman pistola itxurako zerbait hartzera zihoala, tiro egin diote bi agentek. Erreplika bat zeraman soinean adin txikiko mutikoak.
Erredakzioa
12 urteko mutiko bat hil dute bi poliziak, haren kontra tiro eginda. Antza denez, gezurrezko pistola bat zeraman aldean, Clevelandeko (Ohio) olgetarako zentro batean, Poliziak ohar baten bidez zabaldu duenez, ABC News telebista katearen arabera.
Antza denez, bi poliziak (ezbeharra gertatu denetik bajan daude) aisialdi zentrora joan dira, abisu bat jaso baitute pertsona batek arma bat zeramala.
Poliziek mutikoaren kontra tiro egin dute, mutikoak besoak altxatzea errefusatu eta gerrian zeraman pistola baten itxurako zerbait hartzera zihoanean. Dirudienez, horren moduko pistolek marka laranja bat izan ohi dute, baina horrek ezabatuta zeukan.
Adin txikiko mutikoak tiro bat jaso du bularrean, eta ebakuntza egin diote, baina, azkenik, hil egin da. Clevelandeko agintariak gertatutakoa ikertzen ari dira.