Israelgo Armadak gazte palestinar bat hil du tiroz, Zisjordanian

Israelgo Armadak 19 urteko gazte palestinar bat hil du tiroz astearte honetan, Zisjordaniako errefuxiatu kanpaleku batean izan den tiroketan.

Maan Palestinako albiste agentziak jakitera eman duenez, hildakoa Yihad Sehadeh al Yaafari 19 urteko gaztea da.

Medikuen arabera, gazteak sorbaldan jaso du tiroa, eta ospitalera bidean zihoala hil da, odolustuta.

Israelgo Armadak esan du palestinarrek harriak eta bestelako objektuak bota dizkietela, eta horri aurre egiteko egin dutela tiro.