Lau pertsona atxilotu dituzte Pariseko erasoekin zerikusia dutelakoan

Amedy Coulibaly terroristaren inguruko lau pertsona atxilotu dituzte, urtarrilaren hasieran, Parisen, egindako atentatu jihadistekin zerikusia dutelakoan, iturri juridikoek gaur jakitera eman dutenez.

Lau atxilotuen artean bikote bat dago. Gizonezkoa espetxean dago droga-trafikoagatik, eta bikotekidea Islamera bihurtu den jendarme bat da, iturriek France Info irratiari eta BFM TV telebistari jakinarazi dietenez. Emakumeak informazio zerbitzuan egiten zuen lan.

Coulibalyk lau bahitu hil zituen unean Amar R. espetxeratutako gizona Pariseko ekialdean supermerkatu judutik gertu egon zela egiaztatu dute (telefono mugikorrari esker).

Gizona droga-trafikoagatik atxilotu zuten urtarrilaren 23an. Espainiak atxilotzeko euroagindua eman zuen, Europe 1 irratiaren arabera.

Bikotekidea (Emmanuelle bezala identifikatu dute) Rosny sous Boiseko informazio zerbitzu sekretuen zentroan, Pariseko kanpoaldean, irakaslea zen.

Amar R. espetxera bisitatzera joateagatik lanik gabe utzi zuten; izan ere, gutunak arropatan ezkutaturik topatu zizkioten. Gainera, eraso terroristen ostean bikotekidearen fitxa kontsultatu zuen susmagarriak.