Mundua -
Estatu Batuak
Thalys treneko erasotzailea atxiki zuen militarra, labanaz zaurituta
Abuztuan, Spencer Stone militar estatubatuarrak Amsterdam – Paris ibilbidea egiten ari zen tren batean zihoan ustezko terrorista bat geldiarazten lagundu zuen.
agentziak | erredakzioa
Spencer Stone militar estatubatuarra labanaz zauritu dute barta, Sacramenton, Kalifornian. AEBko Armadako militarra joan den abuztuan egin zen ezaguna, Amsterdam eta Paris arteko ibilbidea egiten ari zen trenean erasotzaile bat geldiarazten lagundu zuelako.
Stone, beste militar birekin batera, turismo bidaia egiten ari zen Europan barrena, gertakaria jazo zenean.
25 urteko gizonezkoak lau sastakada zituen bularrean. Ospitalean dago, egonkor.
AEBko Armadak ikerketa bat jarri du abian.
