Mundua -
Atentatua Atenasen
Lagun bat hil eta beste bi zauritu dira Atenasen leherketa batean
Eztanda Administrazio Publikoko Entrenamendu Eskolan izan da. 1988. urtean izan zen lehergalu baten bidez pertsona bat hil zuten azkeneko aldia.
Erredakzioa
Gutxienez pertsona bat hil egin da eta beste bi zauritu dira Atenasen izandako leherketa batean, hedabide greziarrek esan dutenaren arabera.
Eztanda Administrazio Publikoko Entrenamendu Eskolan izan da, Patisia auzoan, hiriburuko erdigunetik bost kilometrotara.
Hildakoa gizon bat da eta zauritua bertatik igaro diren heldu bat eta haur bat.
Azken bost urteetan, talde erradikalek etxean egindako bonbak erabili dituzte eraikuntza publikoen, politikarien eta interes ekonomikoen kontra atentatuak egiteko Atenasen.
1988. urtean izan zen lehergalu baten bidez pertsona bat hil zuten azkeneko aldia.