Mundua -
Misilak erabili dituzte
Bi haur zauritu dira Gazan, Israelen eraso berrien ondorioz
Jan Younisen gutxienez lau misil erori dira, hango lekukoek azaldu dutenez. Joan den martxoaren 26an Israelgo ejerzitoaren eta palestinar milizianoen artean aurrez aurrekoa egon zen gune horretan.
Erredakzioa
Israelgo armadak Gaza bonbardatu du bart, misilak erabiliz. Gutxienez zazpi eraso egin ditu eta Gazako bi haur larri zauritu dira. Eragin dituen kalte materialak ere handiak izan dira. Jan Younis herrian gutxienez lau misil erori dira, hango lekukoek azaldu dutenez. Joan den martxoaren 26an Israelgo ejerzitoaren eta palestinar milizianoen artean aurrez aurrekoa egon zen gune horretan.
Bosgarren misil batek Gaza hiriko lantegi bat harrapatu du, eta sutea sortu da, beti ere Hamaseko agintarien arabera. Ondorioz leherketa eta eztandak izan dira, eta horiek bi haur zauritu dituzte. Bertako berri agentzien arabera, atzo Israelgo militarrek milaka propaganda paper bota zituzten Gazako mugan. Bertan haur bat ageri zen larrosa gorri batekin eta esaldi bat zuen idatzita: ''Itxaron biharko erantzunari''.
