Hainbat zauritu eta desagertu, Paristik gertu izan den gas-eztandan

Zenbait pertsonak zauriak izan dituzte eta beste batzuk momentuz desagertuta daude, itxura denez gas-eztanda handi baten eraginez. Ezbeharra Parisetik 50 kilometrora dagoen Nonancourt udalerrian jazo da, tokiko hedabideek jakinarazi dutenez.

Gutxienez bost lagun zauritu dira horietako lau arin, eta beste bat eztandak egindako hondarren artean harrapatuta dago. Leherketa 13:15ean izan da (tokiko ordua) Eure departamentuko herri txiki horretan, RTL kateak jakinarazi duenez.

Agintari eskudunek bost erreskate-helikoptero jarri dituzte martxan, eta desagertuta dauden beste bi pertsona bilatzen dabiltza.

Leherketa Victor Hugo etorbideko eraikin batean izan da, herri erdian, Paris-Normandie tokiko egunkariaren arabera.