Hiru pertsona zaurituta Ipar Irlandan, bonba batek eztanda eginda

Hiru pertsona zauritu dira gaur gauerdian Ipar Irlandako Newtownhamilton herrian (Armagh konderria), bonba-auto batek eztanda eginda.

Biktimak ospitale batera eraman dituzte, baina badirudi haien zauriak ez direla laurriak, PA albiste agentzia britainiarrak informatu duenez.

Eztanda jazo baino ordubete lehenago, toki hartan auto bat abandonatu zutela ohartarazi zioten Belfasteko ospitale bati.

Lehergailua agenteak hara bidean zeudela lehertu da.

Poliziak alboko etxebizitzak hustu ditu, eta auzokideak eskola batera eraman dituzte.