Mundua -
Goi-bilera Madrilen
EB, Hego Amerika eta Kariberen arteko goi-bilera, Chavez barik
Venezuelako agintariak ez du azaldu zergatik ez den bileran egongo. Raul Castro Kubako presidentea ez da Madrileko goi-bileran egongo.
Erredakzioa
Hugo Chavez Venezuelako presidentea ez da egongo datorren astean Madrilen egingo den Europar Batasunaren, Hego Amerikaren eta Kariberen arteko goi-bileran.
Halaber, bileran Francisco Arias Cardenas Hego Amerika eta Karibeko Kanpo Arazoetako ministro ordea egongo dela adierazi du Chavezek. Venezuelako agintariak ez du azaldu zergatik ez den bileran egongo.
Horretaz gain, G15ak astelehenean, Hegoaldeko herrialdeen arteko lankidetza xedez, Teheranen egingo duen bileran ez dela egongo adierazi du Chavezek. Bestalde, Raul Castro Kubako presidentea ez da Madrileko goi-bileran egongo. Kubako ordezkaria Bruno Rodriguez kantzillerra izango da.