Mundua -
AEBetan
Beisbol pilota baten tamainako txingorra, Oklahoman
Ekaitzak hogei bat lagun zauritu ditu eta kalteak sortu ditu hainbat etxe eta autotan. Ikus itzazu txingor ekaitzaren irudi ikusgarriak Youtuben.
Erredakzioa
Txingor ekaitz batek Oklahoma hiria astindu zuen iragan igandean, izen berdineko estatuan, AEBetako erdialdean.
USA Today egunkariak argitaratu duenez, beisbol pilota baten tamainako txingorrak hiritarrak ustekabean harrapatu zituen eta gidariei autoak bazterrean gelditzera behartu zituen, istripuak ekiditeko.
21 lagun zauritu egin ziren txingorrarekin jasotako kolpeen eta izotzarekin izandako erorketen ondorioz.
Ekaitzak kalteak sortu ditu etxeetako teilatu eta leihoetan, eta bi anbulantzia, suhiltzaileen kamioi bat eta Poliziaren 34 auto hondatu ditu gainera.
Duela bost egun, zenbait tornadok 5 lagun hil zituzten Oklahomako estatuan ere.