Mundua -
Iraken
Estatu Islamikoa Kirkuk erasotzen ari da
Irakeko hedabide ofizialen arabera, ordea, gobernuaren soldaduek aurre egin ahal izan diote Kirkukeko erasoari.
Agentziak | Erredakzioa
Estatu Islamikoaren miliziak Mosul hiria erasotzen ari dira larunbat honetan, Irak iparraldean, ostiralean suizidak eta bonba-autoak erabilita hiriko zazpi auzo hartu ostean. Errusiako Defentsa-Ministerioak eman du informazioaren berri.
"Ostiralean, Mosulen dauden Estatu Islamikoaren taldeek Kirkuk erasotu zuten, Mosul ekialdetik 140 kilometrotara, zazpi auzo hartu zituzten, eta gaur ere hor jarraitzen dute", azaldu dute Defentsako iturriek, Sputnik albiste-agentzia errusiarraren esanetan.
Irakeko hedabide ofizialek, aldiz, gobernuaren armadak Kirkukeko erasoak saihestea lortu dutela berretsi dute. Ondorioz, etxeratze-agindua ezarri zuten hirian, yihadistak Poliziaren egoitza eta beste eraikin instituzionalak indarrez hartzen saiatu zirenean.
Oraingoz, 18 pertsona hil dira, armadako kideak eta yihadistak indarrez hartutako zentral elektrikoko langileak gehienak.