Zuzenean

Bilatu

Ekialde Hurbila

1 / 30 Hurrengoa

Edan Alexander soldadu israeldarra askatu du Hamasek

Publikatuta: 2025/05/12 18:20 (UTC+2) Azken eguneratzea: 2025/05/12 19:14 (UTC+2)

Alexander New Jerseyn (AEB) jaio zen eta Israelgo Armadan ari zen gatibu hartu zutenean. Bere askapena "bitartekariak su-etena lortzeko, mugak irekitzeko eta laguntza Gazan sartzen uzteko egiten ari diren ahaleginen parte" dela berretsi du Hamasek.

Israelek 100 pertsona baino gehiago hil ditu Gazan, ikastetxeak, merkatu bat eta jatetxe bat bonbardatu ostean

Publikatuta: 2025/05/07 19:15 (UTC+2) Azken eguneratzea: 2025/05/07 19:15 (UTC+2)

Eraso horietako bat Palmira jatetxe thailandiarretik gertu jazo da, Rimal auzoan, Gaza hirian, eta bestea 20 metro eskasera, merkatu baten ondoan. Hildakoen artean Yahya Sobeih kazetaria dago.

Trumpen hitzetan, datorren astean "iragarpen garrantzitsua" egingo du Ekialde Hurbilaren inguruan

Publikatuta: 2025/05/06 21:11 (UTC+2) Azken eguneratzea: 2025/05/07 13:47 (UTC+2)

"Urte askotan egin den iragarpenik garrantzitsuenetako bat izango da", azpimarratu du AEBko presidenteak, xehetasun gehiagorik eman gabe. Saudi Arabiara, Qatarrera eta Arabiar Emirerri Batuetara eramango duen bidaiaren aurretik jakinaraziko du.

Mikel Ayestaranek Ortega y Gasset saria jaso du Gazan egiten ari den multimedia estalduragatik

Publikatuta: 2025/05/05 21:03 (UTC+2) Azken eguneratzea: 2025/05/05 21:03 (UTC+2)

ETBko korrespontsalak Kayed Hammed itzultzailearen mezu bat zabaldu du saria jasotzean: "Gazan bonbaz hiltzen ez dena, gosez hiltzen da 2025ean. Guk ondorio bat atera dugu: hobe da misil batengatik hiltzea goseagatik baino, hori da guztia".

Gazako lurrak okupatzeko plan berri bat onartu du Israelek

Publikatuta: 2025/05/05 20:03 (UTC+2) Azken eguneratzea: 2025/05/05 20:02 (UTC+2)

Netanyahuk jakinarazi duenez, operazio berrian "gazatarrak lekualdatu egingo ditugu, euren babesagatik". Gainera, laguntza humanitarioa bi hilabetez blokeatuta izan ondoren, Israelek laguntza sartzeko plan bat aurkeztu du, eurek kontrolatuz prozesu guztia. NBE aurka agertu da.

Ehud Barak Israelgo lehen ministro ohiak desobedientzia zibilerako deia egin du, Netanyahuren aurka

Publikatuta: 2025/05/03 22:28 (UTC+2) Azken eguneratzea: 2025/05/04 09:50 (UTC+2)

Herritarrei, oposizioari, agintari ekonomikoei, teknologikoei, intelektualei, alkateei, gazte mugimenduei zein kibbutzetako bizilagunei dei egin die "Gobernua erori arte" protesta egiteko.

Erabateko blokeoa mantentzeaz gain, Israel baratzeak suntsitzen eta arrantzaleak hiltzen ari dela salatu dute

Publikatuta: 2025/05/02 17:11 (UTC+2) Azken eguneratzea: 2025/05/02 17:11 (UTC+2)

"Milaka pertsona hilko dira blokeoa berehala amaitzen ez bada", ohartarazi dute gobernuz kanpoko erakundeek. Gutxienez 60.000 haurrek desnutrizioa dute dagoeneko Zerrendan, eta dozenaka sukalde komunitario eraso eta itxierara behartu ditu Israelek.

Smotrichek nahi du "ehunka mila" palestinarrek Gaza uztea, Siria "zatitu" eta Hezbollah "desegin"

Publikatuta: 2025/04/29 22:20 (UTC+2) Azken eguneratzea: 2025/04/30 11:23 (UTC+2)

Hala adierazi du Israelgo Ekonomia ministroak Zisjordanian egindako hitzaldi batean. "Kanpaina hau amaitu egingo dugu Iranen mehatxu nuklearra amaitu, Gaza garbitu eta gure bahituak etxera itzulitakoan, eta Israel indartsuagoa eta aberatsagoa denean", gaineratu du.

Israelek Beirut hegoaldea bonbardatu du berriro

Publikatuta: 2025/04/27 16:39 (UTC+2) Azken eguneratzea: 2025/04/27 20:09 (UTC+2)

Netanyahuk erasoa defendatu du: "Israelek ez dio utziko Hezbollahri indarra hartzen", eta Libanoko presidenteak AEBri eta Frantziari eskatu die Israel erasoak geldiaraztera "behartzeko", su-etenaren bermatzaile gisa.

Israelek dagoeneko okupatuta dituen Gazaren inguruko eremuak husteko agindua eman du berriro

Publikatuta: 2025/04/24 22:30 (UTC+2) Azken eguneratzea: 2025/04/24 22:53 (UTC+2)

Martxoaren 18an Israelek su-etena hautsi zuenetik, 420.000 gazatar baino gehiagok ihes egin behar izan dute indar armatuen erasoen ondorioz, dagoeneko herritarren % 90 desplazatu dituen gatazka armatuan.

Izquierda Unidak planteatu du Sumar Espainiako Gobernutik ateratzea, Israeli armak erosteagatik

Publikatuta: 2025/04/23 16:57 (UTC+2) Azken eguneratzea: 2025/04/23 17:25 (UTC+2)

Barne Ministerioak Israelgo Estatuari 15 milioi bala baino gehiago erostea erabaki du, Guardia Zibilarentzat. Antonio Maillo Izquierda Unidako buruzagiak PSOEri leporatu dio Sumarrekin koalizio Gobernuan "krisirik handiena" ireki izana.

Israelek hondeamakinak eta ura eta zaborra biltzeko kamioiak suntsitu ditu Gazako hainbat tokitan

Publikatuta: 2025/04/22 22:38 (UTC+2) Azken eguneratzea: 2025/04/23 10:55 (UTC+2)

Defentsa Zibileko lantaldeek gorpuak hondakin artetik ateratzeko eta errepideak garbitzeko erabiltzen zituzten makina horiek. Gazako Defentsa Zibilak salatu duenez, Israel "lan humanitariorako baliabideak suntsitzen ari da".

AEBko armadak Yemen bonbardatu du berriro, eta gutxienez 12 pertsona hil ditu Sana hiriburuan

Publikatuta: 2025/04/21 09:19 (UTC+2) Azken eguneratzea: 2025/04/21 09:50 (UTC+2)

Yemengo hainbat probintzia bonbardatu ditu, tartean, hiriburuko merkatu bat. Pasa den ostegunean Hodeida portuaren aurkako egindako bonbardaketatan, gutxienez 80 pertsona hil eta 150 zauritu zituen AEBko Armadak.

Netanyahuk dio Hamasek uko egin diola bahituen erdiak askatzeko proposamenari eta ez duela men emango

Publikatuta: 2025/04/19 22:30 (UTC+2) Azken eguneratzea: 2025/04/19 22:30 (UTC+2)

"Uste dut bahituak etxera ekar ditzakegula, amore eman gabe. Hori buruan daukadala jokatu dut orain arte. Misioa oraindik ez da amaitu, eta egiteko asmoa dut. Baina amore eman gabe", nabarmendu du larunbat gauean emititu duten aurrez grabatutako mezu batean.

Israelgo Armadak onartu du atxilotu palestinarren milaka objektu eta diru pilatu dituela

Publikatuta: 2025/04/16 22:45 (UTC+2) Azken eguneratzea: 2025/04/16 22:46 (UTC+2)

Hatzlacha erakunde israeldarrak 'Haaretz' egunkariarekin batera aurkeztutako informazio eskaerari erantzunez, Armadak azaldu du atxilotuen "milaka objektu" dituela, dirua barne.

Gazako ikastetxeen % 70ek baino gehiagok eraso zuzenak jasan dituzte

Publikatuta: 2025/04/16 22:35 (UTC+2) Azken eguneratzea: 2025/04/16 22:35 (UTC+2)

Gainera, Zerrendako eskolen % 88k berreraikuntza edo birgaitze lan handiak behar dituzte.

Israelek aurrera jarraitzen du bere kolonizazio planarekin eta Gazan lurraldeak okupatu dituela ziurtatu du

Publikatuta: 2025/04/09 23:04 (UTC+2) Azken eguneratzea: 2025/04/09 23:04 (UTC+2)

"Eremu asko hartu eta Israelgo Estatuko segurtasun eremuetara anexionatzen ari gara, Gaza txikiago eginez eta isolatuago utziz", baieztatu du Israel Katz Israelgo Defentsa ministroak.

Autopsiak baieztatu du israeldarrek nahita hil zituztela Rafahko 15 osasun-langileak

Publikatuta: 2025/04/07 18:17 (UTC+2) Azken eguneratzea: 2025/04/08 10:10 (UTC+2)

Palestinako Ilargi Gorriaren ahotan, erasoa "gerrako krimena da, eta agerian uzten du Nazioarteko Zuzenbide Humanitarioa behin eta berriz urratzen duen patroi arriskutsua".

Gazak hilabete darama erabat blokeatuta, Israelek laguntza humanitarioa sartzea eragozten baitu

Publikatuta: 2025/04/03 21:28 (UTC+2) Azken eguneratzea: 2025/04/03 21:28 (UTC+2)

Munduko Elikagai Programak (WFP) Gazako Zerrendan dituen okindegi guztiak itxi dituela iragarri du, irin falta dela eta. Gainera, prezioek gora egin dute eta jada ez dago oinarrizko produkturik.

Israelek 27 pertsona hil ditu, horietako 18 haurrak, eskola baten aurka egindako bonbardaketan, Gazan

Publikatuta: 2025/04/03 20:52 (UTC+2) Azken eguneratzea: 2025/04/03 20:52 (UTC+2)

Dar Al-Arqam da oraingo honetan erasoa jasan duen eskola, desplazatutako milaka zibil hartzen dituena. Israelek 229 gutxienez errefuxiatu zentrori eraso die 2023ko urriaren 7tik. Azken egunean Armada sionistak 100 bat pertsona hil ditu.

Gaixotasun onkologikoa duten Gazako bost ume iritsiko dira gaur Euskal Herrira, Osakidetzak artatzeko

Publikatuta: 2025/04/02 11:08 (UTC+2) Azken eguneratzea: 2025/04/02 18:02 (UTC+2)

13 urtez azpiko haurrak dira, eta gaur goizaldean iritsiko dira Euskal Herrira, euren senideekin batera.

Israelek iragarri du Gazako hegoaldean eraso egingo duela, eta "guneak anexionatuko" dituela

Publikatuta: 2025/04/02 10:37 (UTC+2) Azken eguneratzea: 2025/04/03 09:57 (UTC+2)

Israelek gutxienez 22 pertsona hil ditu, tartean hainbat haur, Errefuxiatu Palestinarrentzako Nazio Batuen Agentziaren (UNRWA) klinika baten aurka egindako bonbardaketa batean, Jabalian, Zerrendako iparraldean.

Milaka palestinar behartu ditu Israelek Rafahetik beste behin ihes egitera

Publikatuta: 2025/03/31 22:15 (UTC+2) Azken eguneratzea: 2025/03/31 23:02 (UTC+2)

40.000 gazatar inguruk Rafah eremutik alde egin behar izan dute gaur, Gazako hegoaldean, Israelgo Armadak hiria eta inguruko eremuak bonbardatu baino lehen lekualdatzeko agindu berriak eman ostean.

15 kooperanteren gorpuak aurkitu dituzte Gazan, hobi komun batean, Israelek eraso egin ostean

Publikatuta: 2025/03/31 21:41 (UTC+2) Azken eguneratzea: 2025/03/31 21:42 (UTC+2)

Gurutze Gorriaren eta Ilargierdi Gorriaren Nazioarteko Federazioak eta NBEk salatu dute Israelen eraso batean zauritutakoak artatzera joan zirela eta haiei ere eraso egin zietela. "Langile humanitarioek eta medikuek ez dute inoiz helburu izan behar", aldarrikatu dute.

'The Atlantic' aldizkariak AEBk Yemenen egindako erasoei buruzko txataren edukia osorik argitaratu du

Publikatuta: 2025/03/26 16:38 (UTC+1) Azken eguneratzea: 2025/03/26 18:05 (UTC+1)

Aldizkariak azaltzen duenez, Jeffrey Goldbergek, Signal txatean akats baten ondorioz sartutako kazetariak, operazioaren ordutegiak, armak eta helburuak ezagutu zituen erasoak abiatu baino bi ordu lehenago.

Hamdan Ballal zuzendaria askatu dute: Israelgo base batean igaro du gaua, eskuburdinak jarrita eta zaurituta

Publikatuta: 2025/03/25 16:42 (UTC+1) Azken eguneratzea: 2025/03/25 18:10 (UTC+1)

"Soldaduek eta kolonoek gorputz osoan kolpatu dute", salatu du Basal Adra 'No Other Land' dokumentalaren zuzendarikideak. Horregatik, Ballal Hebrongo (Zisjordania) ospitale batera eraman behar izan dute.

'No Other Land' dokumentalaren zuzendarietako bat atxilotu dute Zisjordanian, kolonoek jipoia eman ondoren

Publikatuta: 2025/03/25 08:14 (UTC+1) Azken eguneratzea: 2025/03/25 12:54 (UTC+1)

'No Other Land' zintan Masafer Yatta eskualdearen okupazioa eta Israel bertan egiten ari den txikizioa erakusten dira. Urtarrilean, dokumental onenaren Oscar saria jaso zuen lanak.

Gazan su-etena berrezartzeko proposamena aurkeztu du Egiptok

Publikatuta: 2025/03/24 13:23 (UTC+1) Azken eguneratzea: 2025/03/24 15:30 (UTC+1)

Hamasi bahituen egoerari buruzko informazio xehea ematea eskatzen zaio proposamenean, eta trukean, Israelgo Armadako soldaduak Gazako Zerrendatik alde egiten hasiko dira.

Gazatik alde egin nahi duten palestinarren irteera kudeatzeko agentzia bat sortzea onartu du Israelek

Publikatuta: 2025/03/23 20:19 (UTC+1) Azken eguneratzea: 2025/03/23 20:34 (UTC+1)

Bestalde, EBren Atzerri Politikako goi ordezkari Kaja Kallasek Israel eta Palestina bisitatuko ditu bihartik aurrera, eta bi herrialde horietako buruekin bilduko da Gazako sarraskiaz hitz egiteko eta su-etenaren nahiz laguntza humanitarioaren beharra azpimarratzeko.

Israelek 130 palestinar hil ditu Gazako Zerrendan azken 48 orduetan

Publikatuta: 2025/03/22 16:38 (UTC+1) Azken eguneratzea: 2025/03/22 16:56 (UTC+1)

Hamasek bahitu eta Israelgo Defentsa Indarrek askatutako 40 bat lagunek Netanyahuren Gobernuari eskatu diote eten ditzatela erasoak, eta itzul daitezela negoziazio mahaira.

Israelek Armadari agindu dio Gazako erasoak eremu gehiagotara zabaltzeko eta leku horiek bereganatzeko

Publikatuta: 2025/03/21 11:11 (UTC+1) Azken eguneratzea: 2025/03/21 13:04 (UTC+1)

"Hamasek ez baditu bahituak askatzen, Israelgo Defentsa Indarrei aginduko diet Gazako erasoak leku gehiagotara zabaltzeko. Horretarako, gazatarrek beren bizilekuak utzi beharko dituzte, eta segurtasun eremuak ere zabaldu beharko dira, soldadu israeldarrak babeste aldera", esan du ohar batean.

Israelen bonbardaketek gutxienez 14 pertsona hil dituzte bart Rafah eta Khan Yunis hirietan

Publikatuta: 2025/03/19 08:24 (UTC+1) Azken eguneratzea: 2025/03/19 09:40 (UTC+1)

Gazarako adostutako menia hautsi zuen atzo Israelek, eta azken hilabeteotako sarraskirik handiena eragin: 500 palestinar baino gehiago hil zituen; horietatik 130 inguru, adin txikikoak.

Israelek AEBrekin koordinatu ditu Gazaren aurkako erasoak, eta 400 pertsona baino gehiago hil ditu dagoeneko

Publikatuta: 2025/03/18 17:23 (UTC+1) Azken eguneratzea: 2025/03/18 19:19 (UTC+1)

David Mencer Israelgo Gobernuaren bozeramaileetako batek esan duenez, erasoek jarraitzen dute oraindik. Estatu sionista, "hemendik aurrera, Gazaren aurka arituko da gero eta indar militar handiagoarekin", ohartarazi du. Hildako gehienak haurrak eta emakumeak dira.