Mundua -
Erasoa Alemanian
Bederatzi hildako Berlingo merkatu batean, kamioi batek harrapatuta
Halaber, Berlingo etorbide ezagun bateko merkatuan bildutako ehundaka bisitari zauritu dira.
Agentziak | Erredakzioa
Kamioi batek Berlingo merkatu baten kontra egin du eta, gutxienez, bederatzi pertsona hil egin dira eta beste 50 bat zaurituta daude. Komunikabide batzuk eraso terroristatzat jo dute jazoera, baina oraingoz Alemaniako Gobernuak ez du horrelakorik baieztatu.
Gertakariak Kurfuerstendamm etorbidean jazo dira. Gabonetako merkatua ikusten ari ziren hamarnaka lagunak aurretik eraman ditu kamioiak, espaloira igo eta etorbidean sartuta.
Antza, kamioiaren gidaria atxilotu egin dute jada eta ibilgailuko kopilotua hil egin da.