Mundua -
Kaos burokratikoa
Grezia eta "mamu" pentsiodunak
Greziako kaos burokratikoa dela eta, 1954 urtetik pentsioak jasotzen ari diren lagunak daude. Lan ministroak ikerketa bat iragarri du.
Erredakzioa
8.500 erretirodun, horietako 500 baino gehiago 110 urtekoak, pentsioa jasotzen jarraitzen dute Grezian. Hori dela eta, Gobernuak lagun horiek bizirik jarraitzen duten ikertuko du.
Andreas Loverdos Lan ministroak adierazi duenez, Fiskaltzak ikerketa bat egingo du. Greziako kaos burokratikoa dela eta, 1954 urtetik pentsioak jasotzen ari diren lagunak daude.
Yorgos Kutrumanis Lan ministro ordeak jakinarazi duenez, 321 hildako pentsiodunen senideek pentsioak jasotzen jarraitzen dute Grezian.
Horrelako egoerak ekiditeko sistemaren zehaztasun falta onartu du Kutrumanik.
Hau zure interesekoa bada, baliteke beste gai hauek ere izatea