Mundua -
Gertakaria
Izua, Miamiko aireportuan objektu susmagarri bat agertu ostean
Polizia nazioarteko hegaldiak heltzen diren terminalean agertutako objektua ikertzen ari da. Terminal horretako sei guneetako lau hustu egin dituzte.
Erredakzioa
Miamiko Nazioarteko Aireportuan, atzerriko hegaldiak hartzen dituen terminaleko sei guneetako lau jendez hustu dituzte objektu susmagarri bat agertu ostean. Bonben kontrako polizia-taldea objektua ikertzen ari da, aireportuko bozeramaile batek, Greg Chinek, jakitera eman duenez.
Chinen arabera, Poliziaren talde berezia bertaratu behar izan da, ostegun iluntzean, Miamin 21:30 zirenean, objektu susmagarri bat aurkitu baitute. Aduanako E gunean omen dago, nazioarteko hegaldiak hartzen dituen terminalean.
Bozeramailearen hitzetan, terminal osoa itxi behar izan dute, bi gune izan ezik. 100-200 pertsona atera behar izan dituzte.