Desagertuta zeuden sei emakumeren gorpuak aurkitu dituzte Mexikon

Ostiraletik desagertuta zeuden sei emakumeren gorpuak aurkitu dituzte Mexiko ipar-ekialdeko sakan batean, Tamaulipas estatuko Segurtasun Idazkaritzak informatu duenez.

Herio Santuaren Kapera delakotik hurbil aurkitu dituzte, "sartzea zaila den leku batean", Ciudad Victoria eta Ciudad Tula arteko errepidean. Lehenengo zantzuen arabera, biktimak talde armadun batek bahitu zituzten ostiralean, janari-denda baten barruan zeudenean.

Tamaulipas Mexikoko estaturik arriskutsuenetariko bat da. Urtetan, antolatutako talde kriminal desberdinen arteko talka bortitzak izan dira —batez ere Golfoko kartela eta Zetas—, eta horien eta segurtasun indarren artean.

2017an, 805 hilketa eta 142 bahiketa izan ziren estatu horretan.