Dagoeneko 81 dira Mangkhut tifoiaren eraginez Filipinetan hildakoak

Poliziaren balantze ofizialaren arabera, 52 pertsona desagertuta daude eta 17.200 artatu dituzte harrera zentroetan.

ETBren artxiboko bideo batetik ateratako pantaila-irudia.

AGENTZIA | ERREDAKZIOA

publikatuta: 2018/09/20 07:27 (UTC+2)

azken eguneratzea: 2021/06/25 09:37 (UTC+2)

Dagoeneko 81 dira Filipinetan Mangkhut tifoiaren eraginez hildakoak, Poliziak eta Nekazaritza Departamentuak emandako datuen arabera. Oraindik dozenaka lagun falta dira, eta, beraz, hildakoak gehiago izan daitezke.

Poliziak jakinarazi duenez, gehienak (60 inguru) Cordillera eskualdean hil dira, eta 52 lagun desagertuta daude. Zehatz-mehatz esanda, 40 pertsona Itogon udalerriko meatze batean harrapatuta geratu dira.

Benigno Durana Jr. Poliziaren bozeramailearen esanetan, 12.860 etxe suntsitu dira, eta 17.200 lagun baino gehiago artatu dituzte harrera zentroetan.

Bestalde, 74 errepide itxita eta 2.186 gune argindarrik gabe daude, PNA albiste agentziak zabaldutako informazioaren arabera.

Action Against Hunger gobernuz kanpoko erakundearen esanetan, 893.000 pertsona kaltetu dira tifoiaren eraginez.

Hau zure interesekoa bada, baliteke beste gai hauek ere izatea

Munduko albisteak Albisteak Gaur Eguneko albisteak Urakan gaur Asia azken ordukoa Filipinak gaur Lurrikaretan hildakoak

Dagoeneko 81 dira Mangkhut tifoiaren eraginez Filipinetan hildakoak

Esteka kopiatuta