Berlusconik ez du irtenbiderik

Duela urtebete Silvio Berlusconi Italiako lehen ministroak arazo judizialak erraz gaindi zitzakeen. Gehiengo parlamentarioari esker lortuko zukeen, karguan zen bitartean, Italiako parlamentuak bere ukiezintasuna sendotzeko lege bat onar zezan.

Orain ezinezkoa zaio horrelakorik egitea. Alde batetik, Gianfranco Finirekin zuen koalizioaren amaieraz geroztik, gehiengo parlamentarioa hiruzpalau eserleku gutxitu zaiolako eta, bestetik, Auzitegi Konstituzionalak Berlusconi epaitua izatetik libratzen zuen legea baliogabetu zuelako.

Adintxikikoen prostituzioagatik duen auzipetzeak min handia eragin dio Italiak munduan duen irudiari. Berlusconik beste hiru prozesu judizial ditu, ustelkeriagatik eta bere enpresen delitu ekonomikoengatik.

Baina, badirudi, auzi horiek garrantzia galtzen dutela azken honekin alderatuta.

Irudia berreratu behar du Italiak, eta hori, aurreratutako hauteskundeekin bakarrik lor daiteke.

Baina Berlusconik ez ditu deitu nahi eta Umberto Bossi, Gobernuko kidearen Iparraldeko Liga, ez da agintetik kentzeko koalizioa haustera ausartu.