Bengasi Gadafiren kontraerasoari aurre egiteko prestatzen ari da

Azken orduetan nahasmena da nagusi Bengasin. Goizean Gadafiren tropek kontraerasoa egin dute Libiako ekialdean.

Soldaduek Braga eta Ajdabiya udalerriei eraso egin diete dagoeneko. Lekukoek esan didatenez, erasoaldia lurretik zein airetik egiten ari dira Gadafiren tropak.

Bengasin (Libiako bigarren hiri garrantzitsuena), matxinoen gotorleku nagusian, urduritasun handia dago eta zurrumurru ugari dira.

Zenbait iturriren arabera, hirira 100 ibilgailu bidali ditu Libiako buruzagiak. Horregatik milaka lagun Bengasi defendatzeko prestatzen ari dira.

Nahasmena da nagusi, matxinoek erasoaldiaren tamainaren berririk ez dutelako.

Horrela, Bengasi Gadafiri aurre egiteko prestatzen ari da.