Mohamed VI.ak aurrea hartu du

Mohamed VI.a Marokoko Erregeak atzo iragarritako Konstituzio erreformak herrialdea demokratizatzea ekarrikodu.

Erregeak esan du prest dagoela berak nahi duen lehen ministroa izendatzeari uzteko, eta hortaz, hauteskundeak irabazten dituen alderdiko hautagaia onartzeko prest dagoela.

Gaur egun ere badira hauteskundeak, hainbat alderdik parte hartzen dute horietan, eta noizik behin erregeak boto gehien jaso dituena aukeratzen du. Baina ez da beti hala izaten, eta gainera ez dago horretara behartuta.

Parlamentuaren botereak indartzeko prest dagoela ere esan du, eta botere judizial independente bat sustatzeko prest. Marokoarren zati batek hitz egiten duen bereberen hizkuntzaren garrantzia Kostituzioan jasota gera dadin prest dagoela, eta baita regio-nalizazioa bultatzeko prest ere: Mendebaldeko Saharatik hasita, erregioei autonomia maila jakin bat emango lieke.

Hori bai, Erregeak ez du inondik ere onartzen ez Sahararen okupazioa zalantzan jartzerik, ezta monarkiaren zilegitasuna kolokan jartzerik ere. Baina horretaz aparte, kostituzioa aldatzeko proposamena politegia da egia izateko.

Erregeak izendatutako batzordeak ekainera arteko epea dauka bere proposamenak aurkezteko... eta hauek ondoren, erreferendumean bozkatuko dira.

Egiaz ari da Marokoko erregea edo denbora irabazi nahian ari ote da, herrialde arabiarretako erreboltek indarra galdu eta ondoren, hitz emandakoaz ahazteko?

Galdera horixe da joan den otsailaren 20ko manifestazioen antolatzaileek egin behar dutena. Izan ere, hil honen 20-rako ere deituta daude beste hainbat protesta.