Mundua -

VENEZUELA

Venezuelako Gobernuaren hainbat banku-kontu eman dizkio AEBk Guaidori

Oraindik ez dago argi zenbat bankuko konturi eragingo dien neurria, Washingtonek isun ekonomikoak ezarrita baitauzka Maduroren Gobernuaren hainbat konturen gainean.

El presidente de la Asamblea Nacional de Venezuela y presidente interino, Juan Guaidó. Foto: EFE
Juan Guaidó habla con los medos de comunicación este domingo
El presidente de la Asamblea Nacional de Venezuela y presidente interino, Juan Guaidó. Foto: EFE

Agentziak | Erredakzioa

Whatsapp Facebook Twitter Telegram Email

Marco Rubio senatari errepublikanoaren hitzetan, AEBko jurisdikziopean Venezuelako Gobernuak dituen hainbat bankuko kontuen boterea eman dio Donald Trumpek Juan Guaidori, bere burua Venezuelako presidentetzat jo duenari.

"AEBk Venezuelako Gobernuaren eta Venezuelako Banku Zentralaren bankuko kontuen boterea eman dio @jguaido bitarteko presidentearen legezko gobernuari", idatzi du Rubiok Twitterren.

Rubiok The Wall Street Journal egunkariak argitaratutako iritzi artikulu bati esteka egin dio bere txioan; iritzi zutabe horren arabera, "AEBk ostiralean eman zizkion Venezuelako Gobernuak New Yorkeko Erreserba Federalean zituen hainbat bankuko kontuen kontrola".

Donald Trumpen Gobernuak ez ditu Rubioren esanak berehala berretsi, baina Etxe Zuriak iragarri zuenez, ez zuen baztertzen neurri hori.

Etxe Zuriko funtzionario batek joan den astean azaldu zuenez, Guaido Venezuelako presidentetzat hartu ostean, "Venezuelaren eta AEBren arteko transakzio ekonomikoen inguruko erabakiak hartzen dituzten agintariak ere aldatu egiten dira".

Hala ere, oraindik ez dago argi zenbat bankuko konturi eragingo dien neurria, Washingtonek isun ekonomikoak ezarrita baitauzka Maduroren Gobernuaren hainbat konturen gainean.

Hau zure interesekoa bada, baliteke beste gai hauek ere izatea
Nazioartea Eguneko albisteak Albisteak Venezuela Latinoamerika Nicolás Maduro Juan Guaidó