Horrela igaro da eguna Japonian

21:30 Ostiraleko lurrikararen erreplika berri batek Tokio astindu du goizaldean.

20:46 Herrialdeek Japoniara bidalitako taldeez gain, NBEk ez du laguntza gehiago aurrikusi.

20:17 71.500 milioi euroko galerak izango ditu Japoniako ekonomiak lurrikararen ondorioz.

20:15 Milaka lagunek laugarren gaua pasako dute berogailurik, elikagairik eta urik gabe Japonian.

19:18 Erreaktoreak hozteko laguntza eskatu die AEBei Japoniak.

18:33 Chernobileko hondamendia errepikatzeko "inolako aukerarik ez" dagoela adierazi du Japoniako Gobernuak.

18:20 Dagoeneko 1.897 hildako eta 3.002 desagertu daude Japonian.

18:17 Japonian 131.000 milioi euroko galerak izango dira, Credit Suisse banketxearen arabera.

18:06 Fukushimako krisia Three Mile Islandeko (AEB) hondamendiarekin alderatu du Frantziako agentzia nuklearrak.

17:30 Fukushimako zentralaren inguruan irekitako ebakuazio zentroetan iodoa banatu du Japoniak.

17:06 Ontziak Japoniako kostaldetik urrundu dituzte AEBek, 17 soldadutan erradioaktibitatea antzeman ostean.

16:53 Fukushima Daiichi zentral nuklearraren bigarren erreaktorean presiopeko ura sartzen ari da Japonia.

16:21 NBEko aditu talde bat Japoniara heldu da biktimei laguntzeko.

16:07 Japoniara laguntza misioa bidaltzea aztertzen ari da Europar Batasuna.

15:57 Europar Batasuneko zentral nuklearrei estres azterketak egiteko eskatu du Austriak Japoniakoa bezalako hondamendi baten aurrean eskainiko luketen segurtasun maila neurtzeko.

15:38 Fukushima-1 zentral nuklearraren bigarren erreaktorea partzialki hoztea lortu dute.

14:37 Erradioaktibitatetik babesteko iodozko pilulak hartzea gomendatu dute adituek.

14:10 Nazio Batuen Batzorde Zientifikoaren arabera Japoniako erradiazio isuriak ez du osasunerako arriskurik.

15:16 Hondamendi nuklearretako adituen sarea alerta egoeran jarri du Osasunaren Mundu Erakundeak (OME).

15:05 Alemaniako zentral nuklearren bizitza luzatzeko erabakia bertan behera utz dezake Merkelek 16:00etan.

14:47 Tokai-2 zentral nuklearra asteartean hoztuta izatea espero dute agintariek.

14:04 Save The Children gobernuz kanpoko erakundeak ohartarazi du 70.000 baino gehiago direla lurrikara eta tsunamiaren ondorioz etxea galdu duten haurrak.

14:00 Suitzako agintariek hiru zentral nuklear eraikitzeko lizentziak bertan behera uztea erabaki dute Japoniako egoera ikusita.

13:43 Japoniako Gobernuak ez du uste Fukushimako zentral nuklearraren 2. erreaktorean eztanda handi bat gertatzeko arriskurik denik.

13:38 Japoniako Gurutze Gorriak 600 medikuz, erizainen eta osasun arloko langilez osatutako 86 talde mugituarazi ditu azken orduetan kaltetuei arreta eskaintzeko.

13:33 Angela Merkel Alemaniako kantzilerrak bertan behera utzi duy bere Gobernuak zentral nuklearren iraupena luzatzeko onartu berri duen legea.

13:24 Japoniako portu-industria gogor astindu du hondamendiak, lurrikara izan zenetik egunero 2.400 milioi euro inguruko galerak zenbatu dituzte.

13:19 Lurrikararen ondorioz 500 mila pertsona inguru lekualdatu dituzte eta milioika pertsonek elikagairik gabe, urik gabe eta babes lekurik gabe pasa dute hirugarren gaua.

12:52 Fukushimako 2. erreaktorea hozteko erabiltzen ari diren tanga urik gabe geratu da eta ondorioz erregaien barrak berotzen has daitezke.

12:30 Hainbat aditu errusiarren arabera Japoniako zentral nuklearretan izandako matxurak ez dira "mundu zabalarentzat mehatxu" ezta Errusiarentzat ere.

12:28 Japoniako hainbat tokitan argia eteten hasi dira lurrikararen ondorioz kaltetutako guneetako horniketa bermatzeko.

11:53 Tsunamien eta errepliken arriskua dela eta Japoniarako bidaiak atzeratzeko gomendioa egin du Espainiak.

11:47 Hildakoen kopurua hazten ari da. Azken zenbaketa ofizialaren arabera gutxienez 1.833 pertsona hil dira eta 2.369 desagertuta daude.&' || 'nbsp;

11:39 AEBetako Armadak erradioaktibitatea antzeman die Japonian izan diren erreskate taldeetako kideei.

11:19 Poliziaren azken balantzearen arabera gutxienez 1.647 pertsona hil dira eta 1.485 desagertuta daude.

11:00 Moody''s agentziaren arabera Japoniako lurrikarak ez du krisi fiskalik eragingo lurraldean.

10:52 Alemaniako Gobernua zentral nuklearren bizitza luzatzeko onartutako legea bertan behera utzi ala ez aztertzen ari da Japonian gertatutakoaren ondoren.

10:48 Japoniako auto fabriketako ekoizpena bertan behera utzi dute Toyotak, Nissanek, Hondak, Mazdak, Mitsubishik eta Suzukik, lurraldeko automobil konpainia guztiek.

09:44 Fukushimako zetral nuklearreko 1 eta 2 erreaktoreetan larrialdi egoera amaitu dela ziurtatu du Tokyo Electric Power konpainiak.

09:39 Japoniako elikagai freskoek izan dezaketen erradiazio maila aztertuko du Taiwanek. 09:32 Bruselan nuklearren inguruko segurtasunaren inguruan bilera premiazko bilera deitu dute.

09:20 Tokioko burtsako Nikkei indizeak ehuneko sei galdu du gaurko saioan.

08:16 Fukushimako bigarren erreaktorean isuri erradioaktiboa sahiesteko egiten ari ziren hozte lanak bertan behera utzi dituzte ur faltagatik.

07:54 Fukushimako erreaktorean izandako eztandak edukiontziari ez diola eragin adierazi dio Japoniak Nazioarteko Energia Nuklearraren Agentziari.

07:34 Richter eskalan 6,2 graduko maila hartu duen erreplika batek Ibarakiko kosta astindu du.

07:29 2.000 gorpu aurkitu dituzte Japonia ekialdean dagoen Miyagi eskualdean.

05:31 Gutxienez 11 langile zauritu dira Fukushimako zentralean izan den leherketan.

04:56 Fukusimako hirugarren erreaktorean hidrogeno leherketa izan da.