Mundua -
Iruzkina
Erronka handiegia Japoniarentzat
Herrialdea haingat hondamenditatik atera da azken mendea, baina lurrikarak eratutakoa guztien artean handiena da.
Jesus Torquemada
Japonia behin baino gehiagotan berpiztu da dagoeneko. Hondamendi natural eta politikoei aurre egitea lortu du.
1923an, Tokioko eskualde osoa suntsitu zuen lurrikara batek eta 100.000 pertsona hil zituen.
1945ean, Hiroshima eta Nagasakiko bonbekin tragikoki amaitu zen Bigarren Mundu Gerra galdu ostean, erabat suntsitu zen Japonia.
60ko eta 70eko hamarkaden artean, japoniarrek mundua liluratu zuten kamara eta tresna elektronikoekin. Munduko bigarren ekonomia bihurtu ziren orduan.
Eta 1995. urtean, Kobeko lurrikarak 100.000 milioi dolarreko kalteak egin zituen, baina berriz ere egoera hartatik irteten jakin zuen.
Oraingoan, aldiz, erradiazio isuria baieztatuko balitz, lurrikara itsasikara eta istripu nuklear baten aurrean egongo litzateke herrialdea, Tokioko lurrikara eta Hiroshimako bonbaren arteko konbinazio baten aurrean.
Gehiegizkoa izan daiteke hori, baita Japonia bezalako herrialde disziplinatu batentzat.