Horrela igaro da eguna Libian

20:56 Gadafiren tropak matxinoen kontra ari dira egiten Bengasitik 50 kilometrora, Al Yazira telebistak jakitera eman duenez.

20:24 Estatuko konpainiaren gasolina kamioi bat atzeman dute matxinoek Libian.

20:06 "Libiako herriari laguntzeko goi-bilera" bat deitu du larunbaterako Sarkozyk.

19:43 Obama: "Gadafik su-etena eta NBEren ebazpena errespetatu behar ditu".

19:37 Nazioarteak "pausoz pauso" aurrera egingo du Gadafi boteretik kentzeko, indarkeria geratu ostean, Clintonen ahotan.

18:12 Orain dela bi egun Libiatik alde egin ostean, Gurutze Gorriak Bengasira itzuliko dela esan du.

18:03 Merkel Pariseko goi-bileran izango da, nahiz eta Alemania abstenitu izana Segurtasun Kontseiluan.

17:57 Gadafiren kolaboratzaileei eta 9 erakunderi zigorrak areagotzeko akordioa hartu dute 27ek.

17:53 New York Times egunkariko kazetari atxilotuak askatuko ditu Libiak.

17:34 Frantziaren hitzetan, dena prest dago Libian sartzeko, baina ez du zehaztu noiz egingo duten.

17:21 Libiako Gobernua su-etena betetzen ari dela dio, eta hori betetzen dutela ikuskatzeko eskatu dio Turkiari.

17:13 AEBek Espainiaren "gidaritza" eta nazioarteari emandako laguntza goratu du.

17:10 NATOko herriek operazio humanitario eta militarra "arintzea" adostu dute.

17:05 Tunisiak ez du Libiako operazio militarrean parte hartuko.

15:55 Cintonen hitzetan, nazioarteko komunitateak "beste aukera" batzuk aztertzen jarraituko du.

14:58 Gadafiren indar militarrek Misrata bonbardatzenjarraitzen dute, eta 25 hildako izan dira dagoeneko, besteak beste,zenbait neskato.

14:40 Cameronen hitzetan, Erresuma Batuak Gadafi epaituko du bere ekintzengatik.

14:25 Misrataren aurkako erasoari aurre egin diotela diote matxinoek.

14:19 Europar Batasuneko 27ek erregimenari zigorrak areagotzeko eta Libian sartzea eztabaidatzeko bilera egingo dute astelehenean.

14:02 Bengasiko herritarrek Gadafiren erregimenaren "kapitulazioa" ospatu dute.

13:55 Gadafiren erregimenak iragarri du "bete" egingo duela NBEren ebazpena, eta berehala bertan behera utziko dituela operazio militar guztiak.

13:38 Alemaniak baieztatu egin du ez duela parte hartuko operazio militarrean. Segurtasun Kontseiluko bozketan ez zuen betoa jarri, baina abstenitu egin zen.

12:49 Espainiak Rotako (Cadiz) eta Moroneko (Sevilla) base militarrak, hegazkinak eta itsasontziak utziko ditu NATOren esku, Carme Chacon Defentsa ministroak iragarri duenez.

12:33 Erresuma Batuak iragarri du Royal Air Forceko hegazkinak "hurrengo orduetan" egongo direla prest operazioa abiatzeko. Tornado eta Typhoon borroka hegazkin bonbaketariak izango dira.

12:10 Jose Luis Rodríguez Zapatero Espainiako Gobernuko presidenteak eta Ban Ki Moon NBEko idazkari nagusiak adierazpen instituzionala egingo dute Libiari buruz, 14:00etan.

11:30 Libiak itxi egin du aire espazioa, Europako aire zirkulazioa kudeatzen duen Eurocontrol agentziak jakinarazi duenez.

11:15 Libiara lau F-16 eta 90 soldadu bidaltzea aztertzen ari da Danimarka.

10:43 Libiako telebista-kate publikoak iragarri du Gadafiren miliziak Bengasiren kanpoaldean daudela.

10:26 Parlamentuaren baimenik gabe ez duela Libian esku-hartuko esan du Espainiak

10:05 NATO "esku-hartzeko" prest agertu da, akordioa egonez gero.

09:38 Gadafik bereari eusten dio: Erregimenaren aldekoek Misrata erasotu dute armamentu astuta erabilita. Al Arabiyaren arabera, "hildakoak eta zaurituak" daude.

09:15 Obamak, Cameronek eta Sarkozyk NBEren erabakia betearazteko koordinatuko direla iragarri dute.

09:11 Europar Batasunak NBEk hartutako erabakia babesten duela iragarri du.

09:08 Muga pasa eta Egiptora joan nahi duten libiarren kopurua gora egiten ari da.

09:05 Norbegiak operazio militarrean parte hartuko duela baieztatu du.

09:04 Txinak adierazi duenez, ez zion NBEko erabakiari betoa jarri "zenbait herrialde arabiar eta afrikarrek eskatuta".

08:57 Italiako hainbat egunkariren arabera, Italiak bere baseak NBEren esku jarriko ditu.

08:55 Gadafiren semeak esku-hartze militarrari beldurrik ez diotela esan du.

08:39 Gadafiren erregimenaren kontrako operazio militarrea parte hartuko duela baieztatu du Frantziak.