Mundua -
Gazan
Hiru palestinar hil dira Israelgo Armadaren aire-erasoaldi batean
Erasoaldia bart jazo da Gazako zerrendako hegoaldean, Jan Yunes hiritik hurbil, palestinarrak kotxe batean bidaiatzen zihoazenean.
Erredakzioa
Hamas mugimenduak jakitera eman duenez, kotxe batean zihoazen hiru palestinar, haien artean bertako komandante bat zegoela, bart hil dira Israelgo Armadak Gazako zerrendako hegoaldean egindako aire-erasoaldi batean, Jan Yunes hiritik hurbil. Hamasek ohartarazi duenez, hiru gizonen hilketagatik mendekua hartuko du.
Bart hildakoen artean, batek beste erasoaldi izan zuen 2009. urtean. Azedin El Kasam Brigaden hitzetan, "Israel behar bezala zigortuko dugu". Talde armatu hau Gazako zerrendaren gobernuaren buru da 2007tik.
Israelgo Armadak erasoaldia berretsi du. Bere esanetan, hiru palestinarrak terrorista talde bateko kideak ziren. Bere ustetan, hiru aste barru ospatuko den Pesah jaialdian israeldarrak bahitzeko asmoa zuten.