Mundua -
Iragarpena
Obamak 2012ko hauteskundeetarako hautagai izan nahi du
Bere burua aurkeztu egingo duela iragarri du gaur YouTuben. Kanpainari hasiera emango dion bi minutuko bideoa eskegi du presidenteak portal ospetsu horretan.
Erredakzioa
2012ko hauteskundeetara bere burua aurkeztuko duela iragarri du gaur YouTuben Barack Obama AEBetako presidenteak. 2008ko hauteskunde kanpainan zehar askotan erabili zuen Obamak YouTube.
Etxe Zurira heldu aurretik askotan erabili zuen Obamak YouTube, baita AEBetako presidente aukeratu zutenetik ere. Izan ere, boterera heldu aurretik AEBetako presidenteek irratitik egiten zuten asteroko agerraldi eta hitzaldia. Obamak bere hitzaldiak YouTuben eskegitzea erabaki zuen.
2009ko urtarrilaren 24ean lehen hitzaldia eskegi zuen, eta 210.000 bisita eta 10.000 iruzkin lortu zituen lehen 12 orduetan.
Gaur eskegi duen bideoaren izenburua ''It begins with us'' (Dena gurekin hasi egiten da) da, eta 2012ko hauteskunde kanpainaren hasiera suposatuko du. Bi minutuko bideoa da, eta Obamaren jarraitzaileek presidentearen aldeko mobilizazioa hasteko deia egiten dute.
