Frantziaren zeregina erabakiorra izan da Boli Kostan

Boli Kostan dauden soldadu frantziarrek paper erabakigarria izan dute hauteskundeak galdu arren boterea utzi nahi ez zuen Laurent Gbagbo en atxiloketan.

Bagboren jarraitzaileek diote tropa frantziarrak izan direla jardunean zen presidentea atxilotu eta Alassane Ouatararen jarraitzaileen esku utzi dutenak, Ouatara izan zen, hain zuzen ere, joan den azaroko hatueskundeak irabazi zituena.

Kontuak kontu, argi dagoena da soldadu frantziarrak Boli Kostako barne auzi batean sartu direla eta euren laguntza eman dutela Gbagbo agintetik kentzeko.

Paristik diote euren soldaduek Nazio Batuen Erakundearen aginduak jarraituz egin dutela hori eta “kasko urdin” afrikarrak babestuz beti ere.

Nazio Batuen Erakundeak Ouatara jo zuen hauteskundeetako garaile, baina Gbagbo uko egin zion presindente kargua uzteari eta hor piztu zen gatazka.

Dena den, soldadu frantziarrak ez daude Nazio Batuen Erakundearen aginduetara, operazio propioa jarri dute martxan, "unikornio" izenarekin bataiatu dutena, eta horren bidez Frantziak bere interesak defendatu ditu Boli Kostan.

Gbagbo atxiloketak amaitutzat eman du gatazkaren atal hau baina ez dago batere argi hala ere bakea iritsiko ote den Boli Kostara, izan ere, herrialde honek hamarkada bat baino gehiago darama erabat zatituta arazo etniko, erlijioso eta politikoak tarteko.