Mundua -
Hilketak Tamaulipasen
120 gorpu aurkitu dituzte hainbat hobitan, Mexikon
Mexikoko agintariek "Los Zetas" izeneko taldeari egotzi dizkiete hilketak. 17 pertsona atxilotu dituzte sarraskiarekin zerikusia dutelakoan.
Erredakzioa
120 gorpu aurkitu dituzte Mexikon, Tamaulipas estatuan atzemandako hainbat hobitan.
Agintari mexikarrek "Los Zetas" izeneko taldeari egotzi dizkiete hilketak. Oraingoz 17 pertsona atxilotu dituzte sarraskiarekin zerikusia dutelakoan.
Joan den astean aurkitu zuten lehen hobia.&' || 'nbsp; AEBekin muga egiten duen Reynosa hirira zihoan autobus batetako bidaiarien bahiketa salatu eta gero atzeman zuten lehen hobia San Fernando herrian.&' || 'nbsp;
Perituek oraingoz 72 gorpuri egin diete autopsia.&' || 'nbsp;
Ikerketa amaitu eta gaizkile guztiak atxilotu artean ingurua soldaduek eta polizia federalak zainduta egongo da. Tamaulipasko San Fernando herrian eta inguruan segurtasuna berrezarri arte bertan egoteko agindu die Mexikoko Gobernuak.
Tamaulipas indarkeriak gehien astindutako eskualdea da, "Los Zetas" eta "Golfo" drogen kartelen arteko borroka odoltsuak ohikoak dira.