Mundua -
DARDARA
6,4 graduko lurrikara batek Txile iparraldea astindu du
Dardara itsasoan gertatu da, Coquimbo hiritik 72 kilometrora, 10,1 kilometroko sakoneran. Tsunami arriskua baztertu dute.
AGENTZIAK | ERREDAKZIOA
Richter eskalan 6,4 graduko lurrikara izan da Txile iparraldean ostegun honetan, USGS AEBko sismologia zentroak jakinarazi duenez.
Dardara bertan 20:19 zirenean gertatu da, itsasoan, Coquimbo hiritik 72 kilometrora, 10,1 kilometroko sakoneran.
Oraingoz ez da hildakorik edo kalte material nabarmenik izan.
Bestalde, Barne Ministerioak bere Twitter kontuaren bitartez zabaldutako informazioaren arabera, ez dago tsunami arriskurik.