Mundua -
Hiru zauritu
15 hildako, NATOko kamioi baten aurkako atentatu batean, Pakistanen
Gutxienez 15 lagun hil dira erreta, lehergailu baten ondorioz, NATOko zisterna kamioi batek sua hartu duenean. Hornigaiak maiz dira talde talibanen erasoen helburu.
Erredakzioa
Gutxienez 15 lagun hil dira bart Pakistanen, lehergailu bat eztanda egin ostean, NATOko zisterna kamioi batek sua hartu duenean. Ezbeharra Khyber erregioan jazo da, Afganistaneko mugatik hurbil.
Iturri polizialek jakitera eman dutenez, Torkham zonaldean NATOko beste kamioiek ere erasoak izan dituzte baina ez dute zehaztu hildakorik nahiz zauriturik izan diren.
Afganistaneraino hornidurak eramateko lurreko biderik erabiliena da Khyberreko zonaldea. Karachiko portutik, Pakistaneko hegoaldean, Afganistango mugaraino eraso asko jasotzen dituzte NATOko tropek.