Mundua -
Bisita ofiziala
Obamak Irlandan hasi du Europan egingo duen bira
AEBetako presidentea Frantzira ere joango da, G8ko goi-bileran parte hartzera, eta bidaia ofiziala Varsovian bukatuko du, Poloniako agintariekin bilduta.
Erredakzioa
Barack Obama AEBetako presidentea Dublinera iritsi da gaur goizean, 10: 25 aldera (Euskadiko ordua). Bertan hasiko du Europan egingo duen bira ofiziala eta izango dituen bileretan Ekialde Hurbilean izan diren azken gertakariak izango ditu hizpide.
Iritsi bezain laster, Obama Mary McAleese Irlandako presidentearengana joan da. Bertan, ongi etorri ekitaldia egingo diote AEBetako presidenteari.
Horrez gain, Moneygall herrira joateko asmoa du Obamak. Bertatik AEBetara alde egin zuen bere oinordeko batek eta bertan krisiari buruzko hitzaldia eskainiko omen du.
Enda Kenny ministro irlandarrarekin ere bilduko da eta, bihar, Londresera joango da, Estatuko bisita bat egitera.
AEBetako presidentea Frantzira ere joango da, G8ko goi-bileran parte hartzera, eta bidaia ofiziala Varsovian bukatuko du, Poloniako agintariekin bilduta.