Mundua -
Trumpi erantzunez
Rohanik esan du Iranek beti egingo diela uko AEBren elkarrizketarako eskaintzei
Abuztuan, Rohanik esan zuen Errepublika Islamikoak ez duela AEBrekin hitz egingo Trumpen Gobernuak isun guztiak kentzen dituen arte.
agentziak | erredakzioa
Hasan Rohani Irango presidenteak esan du Errepublika Islamikoak beti esango diela ezetz AEBko Gobernuarekin aldebiko elkarrizketak izateko eskaintza guztiei.
"Sekula ez dugu erabaki AEBrekin elkarrizketak izatea, eta eskaintza asko izan ditugu, baina erantzuna beti izango da ezezkoa", adierazi du Rohanik Parlamentuaren aurrean, irratiz zuzenean eman den hitzaldian.
Donald Trump AEBko presidenteak Irani "ahal den presio handiena" egitea eskatu zuen, eta, aldi berean, aldebiko elkarrizketak izatea proposatu du, baldintzarik gabe, bi herrialdeen arteko liskarrak amaitzeko.
Abuztuan, Rohanik esan zuen Errepublika Islamikoak ez duela AEBrekin hitz egingo Trumpen Gobernuak isun guztiak kentzen dituen arte. 2015ean sinatutako akordio nuklearretik atera zen Trump 2018an, eta Iranen aurkako isunak berrezarri zituen.
Akordioa sinatu zuten Europako herrialdeak tentsioa lasaitzen saiatu dira, eta itunari eutsi diote, Washingtonen isunen aurrean Irango ekonomia babesteko.
