Mundua -
Greziako krisia
Papandreuk Gobernua berrituko du gaur
Lehen ministro sozialistak bigarren erreskatea kudeatzeko erreformatuko du Exekutiboa. Bien bitartean, alderdi barruko zatiketak gero eta handiagoak dira.
Erredakzioa
Yorgos Papandreu Greziako lehen ministro sozialistak Exekutiboa birmoldatuko du gaur, eta jarrraian Parlamentuari konfiantzazko botoa eskatuko dio, batasun nazionaleko Gobernua osatzeko elkarrziketek kale egin eta gero.
Hasieran, Gobernu krisia atzo egitekoa zuen, baina alderdi barruko zatiketen ondorioz atzeratu egin behar izan du.
Ostegun honetan egindako agerraldi batean, Exekutiboak zenbait "akats" egin dituela onartu du Greziako lehen ministroak, baina erreformarekin arazo asko konponduko dituztela agindu du.
Alderdia utzi behar dutela iragarri dute bi diputatuk eta PASOKen barruan dauden zatiketak agerian utzi dituzte, Gobernuak bultzatu nahi dituen erreformekin bat ez datozelako. Urteko hirugarren greba orokorra egin zuten atzo Grezian, herstura egitasmoen aurka protesta egiteko. Egunean zehar istiluak errepikatu ziren.
