Mundua -
Hauteskunde orokorrak
Shinawatra anai-arrebak, Thailandiako hauteskundeen irabazle
Puea Tai alderdiak gehiengo osoa lortu du, 258 eserleku, eta ondorioz bakarrean agintzeko aukera du. Yingluck Shinawatra Thailandiako lehen emakumezko gobernuburua izango da.
Erredakzioa
Duela bost urte Gobernutik kendu eta iheslari izendatutako Thaksin Shinatawa aise irabazi ditu Thailandiako hauteskundeak. Ondorioz, Yingluck arreba Thailandiako lehen emakumezko gobernuburua izango da.
Yinglucken Puea Thai alderdiak (Thailandiarren Alderdia) Parlamentuko 500 eserlekutatik 258 lortu ditu, Hauteskunde Batzordeak egindako zenbaketaren arabera. Thaksinen arrebak 44 urte ditu, eta politika munduan ez du inolako esperientziarik.
Abhisit Vejjajiva jarduneko lehen ministroaren Alderdi Demokratak, berriz, 162 ordezkari lortu ditu. Gainontzekoak lau alderdi politikoren artean banatu dira.
"Puea Thai alderdia zoriondu nahi dut hurrengo Gobernuan agintzeko lortutako aukeragatik. Yingluck Shinawatrari ere onena opa diot Thailandiako lehen emakumezko gobernuburua izango delako", esan du aurreko gobernuburuak, zenbaketa ofiziala amaitu baino lehen.
Koalizioa egingo dute
Puea Thaik gehiengo osoa izango du eta ondorioz bakarrean agintzeko aukera. Hala ere, zenbait alderdi txikirekin batera koalizio bat osatzeko asmoa agertu dute.
