Emakumeek diskriminatuta jarraitzen dute munduaren zati handi batean

Emakumeek diskriminatuta jarraitzen dute munduko zati handi batean, genero berdintasunak duela gutxi hainbat herrialdetan aurrerapenak egin izan arren, ohartarazi du gaur Nazio Batuen Erakundeak (NBE) Emakumeak egin duen lehenengo munduko txostenak.

Txostenaren arabera, etxeko indarkeria 125 herrialdetan delitutzat jotzen den arren, munduan oraindik 603 milioi emakume krimentzat hartzen ez den Estatuetan bizi dira. Halaber, 2.600 milioi emakume, senarragatik bortxatua izatea krimen bat bezala hartzen ez den lekuetan bizi dira.

Lan-munduari dagokionez, NBE Emakumeen txostenak honako hau salatu du: gizonezkoen eta emakumezkoen arteko soldatetan berdintasuna egotearen aldeko legeria 117 herrialdek izan arren, "praktikan, herrialde batzuetan emakumeek gizonek baino %30 gutxiago kobratzen jarraitzen dute".

Analisiak 600 milioi emakume (emakumeen lanerako indarraren %53a) lanpostu zaurgarrietan daudela ziurtatu du, hau da, lan-munduko legeen babesik jaso gabe.

Bizitza publikoari dagokionez, NBEk parlamentuetan orain emakume “askoz ere gehiago” daudela esan du, eta horren adibide jarri ditu ondorengo hauek: Ruanda, Nepal eta Espainia. Hala eta guztiz ere, estatu gehienetan emakume parlamentariak %30 baino gutxiago direla gaineratu du.

NBE Emakumeak urte honen hasieran jarri zen martxan, eta orain egindako lana burututako lehena izan da. Munduko Gobernuei “premiazko neurriak” hartzeko eskatu die “emakumeak geroz eta pobreago izaten eta munduko herrialde guztietan gizonezkoek baino botere gutxiago edukitzen” ez jarraitzeko.