Mundua -
Frantzia
Bost lagun hil dira Estrasburgon, sute batean
Zazpi pertsona zauritu dira, eta larri daude. Zazpi solairuko eraikin batean piztu da sua, goizaldean, 01:00a aldera.
Agentziak | Erredakzioa
Bost lagun hil eta zazpi larri zauritu dira Estrasburgon (Frantzia) izandako sute batean. Zazpi solairuko eraikin batean piztu da sua, goizaldean, suhiltzaileek jakitera eman dutenez.
01:00a aldera, ke handia sortu da eraikineko eskaileretan, eta, ondorioz, suhiltzaileek hainbat bizilagun erreskatatu behar izan dituzte.
Ikerketa ireki dute sua zerk piztu duen argitzeko.