Italia koronabirusagatik heriotza gehien duen herrialdea da jada

Orain arte 3.405 pertsona hil dira Italian, eta Txinan, aldiz, 3.245.

Italiak Txinak baino heriotza gehiago izan ditu jada. EFE

AGENTZIAK | ERREDAKZIOA

publikatuta: 2020/03/19 19:07 (UTC+1)

azken eguneratzea: 2020/03/19 19:17 (UTC+1)

Italia koronabirusak eragindako heriotza gehien dituen herrialdea bihurtu da ostegun honetan. Azken balantzearen arabera, 3.405 pertsona hil dira orain arte Italian, eta Txinan, aldiz, 3.245.

Guztira, 41.035 pertsona kutsatu dira europar herrialdean, Txinako kasuen erdia (80.928 kasu daude bertan).

Azken 24 orduetan, 4.480 kasu berri atzeman dituzte Italian, eta 427 pertsona hil dira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea

Nazioartea Europar Batasuna Europa Eguneko albisteak Albisteak Italia Koronabirusa

Italia koronabirusagatik heriotza gehien duen herrialdea da jada

Esteka kopiatuta